Posts

Showing posts from July, 2017

ಹಳದಿ ಚಿಟ್ಟೆಯ ಪ್ರಸವ ದರ್ಶನ

Image
ಅವಕಾಶಗಳು   ಕಾಲಿಗೆ   ತೊಡರುವುದು   ಎಂದೊಂದಿದೆಯಲ್ಲ .  ಅಂಥದ್ದೊಂದು   ಇಂದು   ನನಗೆ   ಆಯಿತು .  ನಮ್ಮ   ಮನೆಯ   ಜಗಲಿಯ   ಬದಿಯೇ   ಕಾಡುಹುಣಸೆ   ಬೋನ್ಸೈಗಿಡದ ಮೇಲೆ,   ಚಿಟ್ಟೆಯೊಂದು(common grass yellow butterfly - Eurema hecabe)   ಕೋಶದಿಂದ   ಹೊರಬರುವುದನ್ನು   ನೋಡುವ   ಸುವರ್ಣಾವಕಾಶ   ಅದು !  ಸಣ್ಣ   ವಯಸ್ಸಿನಿಂದ   ಪಾಠದಲ್ಲಿ   ಓದಿದ್ದ ,  ನಾನೆಂದೂ   ಕಣ್ಣಾರೆ   ಕಂಡಿರದ   ವಿಷಯ .  ಅಕ್ಷರಶ: ಸುವರ್ಣಾವಕಾಶ ,  ಏಕೆಂದರೆ   ಅದೇ   ಬಂಗಾರದ   ಬಣ್ಣ!   ಹಚ್ಚ   ಹಸಿರಿನ   ಹುಳವೊಂದು ,  ಹಚ್ಚ   ಹಸಿರಿನ   ಎಲೆಯನ್ನು ಕಬಳಿಸಿ, ಕೋಶ ಕಟ್ಟಿದ ಮೇಲೆ ಹೊನ್ನಬಣ್ಣ ಪಡೆಯುವುದೆಂದರೆ!! ವಿಸ್ಮಯವೆಂದು ನಾವಂದರೆ ಅದು ವಿಸ್ಮಯ, ಸಾಮಾನ್ಯವೆಂದಂದರೆ ಅತಿ ಸಾಮಾನ್ಯ - ಪ್ರಕೃತಿಯೆಂಬ ದೊಡ್ಡ ವಾಹನದಲ್ಲಿ ಸಣ್ಣ ಕೈಗಡಿಯಾರದೊಳಗಿನ ಗಾಲಿಯಂಥ ಹಲ್ಲುಚಕ್ರವೊಂದು ಒಂದು ಸುತ್ತು ತಿರುಗಿದಂತೆ, ಏನೇನೂ ಅಲ್ಲ. ಹಸುರು ಕೋಶದೊಳಗೆ ಹಳದಿ ಚಿಟ್ಟೆ, ಹಿನ್ನೆಲೆಯಲ್ಲಿ ಲಾರ್ವ (ಚಿಟ್ಟೆ ಕೋಶದಿಂದ ಹೊರಬರುತ್ತಿರುವ ವೀಡಿಯೋ) ದೇವರೋ   ಪ್ರಕೃತಿಯೋ ,  ಯಾವುದೆಂದು   ತಿಳಿಯದೊಂದು   ಶಕ್ತಿಯು   ಸಂತತವಾದ ,  ಕೊನೆಮೊದಲಿಲ್ಲದ ,  ಸಕಲ   ಜೀವರಾಶಿಗಳ   ಚಕ್ರವನ್ನು   ನಡೆಸುತ್ತಾ   ಬಂದಿದೆಯಷ್ಟೆ ?  ಒಬ್ಬನೇ   ಕುಳಿತು ಈ ‌ ಕೆಲಸವನ್ನು   ಮಾಡುವುದು   ಆಗುವ   ಹೋಗುವ   ಮಾತಲ್ಲವೆಂದು   ಆ   ಶಕ್ತಿಯು  

ವೆಂಕಟ್ರಾಮ ದೈತೋಟ - ಕೆಲವು ನೆನಪುಗಳು

Image
ವೆಂಕಟ್ರಾಮ ದೈತೋಟ - ಕೆಲವು ನೆನಪುಗಳು ಅವರ ಮದ್ದಿನ ಚೀಟಿಯ ಮಾದರಿ - ಅವರದೇ ಹಸ್ತಾಕ್ಷರ ದೈತೋಟರ ಬಗ್ಗೆ ವಿಸ್ತಾರವಾಗಿ ಬರೆಯಬಲ್ಲಷ್ಟು ಒಡನಾಟ , ಆತ್ಮೀಯತೆ ನನಗಿರಲಿಲ್ಲ . ಆದರೆ ನೋಡಿದಷ್ಟು ಸಂದರ್ಭದಲ್ಲಿ ಅವರು ಬಹಳಷ್ಟರಂತೆ ಕಂಡರು .  ನಾವೊಮ್ಮೆ ಗಡ್ಡೆ ವೈವಿಧ್ಯಗಳ ಬಗ್ಗೆ ಹಲಸು ಸ್ನೇಹಿ ಕೂಟದ ವತಿಯಿಂದ ನಮ್ಮಲ್ಲೊಂದು ಕಾರ್ಯಕ್ರಮ ಮಾಡುವುದೆಂದು ನಿಶ್ಚಯಿಸಿದಾಗ ಶ್ರೀಮತಿ ಮತ್ತು ಶ್ರೀ ದೈತೋಟರನ್ನು ಪ್ರಧಾನ ಭಾಷಣಕಾರರಾಗಿ ಬರಹೇಳುವುದೆಂದು ನಿರ್ಧರಿದೆವು . ನಾಕಾರಂತರು ಅಥವಾ ಶರ್ಮಣ್ಣ ಇಬ್ಬರಲ್ಲೊಬ್ಬರ ಸಲಹೆ ಅದಾಗಿರಬಹುದು . ಕಾರಂತರು , ಶಿರಂಕಲ್ಲು ನಾರಾಯಣಣ್ಣ ಮತ್ತು ನಾನು ಜೊತೆಯಾಗಿ ಹೋಗಿ ಅವರನ್ನು ಕರೆದೆವು .  ಕಾಟುಕುಕ್ಕೆ ಬದಿಯಿಂದ ಅವರಲ್ಲಿಗೆ ಹೋಗುವುದಿದ್ದರೆ ಗುಡ್ಡದ ಅರ್ಧಕ್ಕೆ ಸಾಗುವ ಡಾಂಬರು ರಸ್ತೆಯಿಂದ ಬಲಕ್ಕೆ ನೋಡಿದರೆ ದೂರದಲ್ಲಿ ‘ ಬಳ್ಳಿ ಮಂದಾರ ’ (bauhinia pheonicia) ಎಂಬ ಮರಬಳ್ಳಿ ಎತ್ತರಕ್ಕೆ ಹಬ್ಬಿರುವ ತೋಟವೊಂದು ಕಾಣಿಸುವುದು ಅವರ ಮನೆಯ ಜಿಪಿಯಸ್ ಲೊಕೇಶನ್ . ಸಣ್ಣ ಆಶ್ರಮದಂತಹ ಮನೆ . ಮನೆಗೆ ಆಗ ರಸ್ತೆಯಿರಲಿಲ್ಲ , ಬರೀ ಕಾಡುದಾರಿ . ಆಚೀಚೆ ಕಡೆ ಎಲ್ - ಕೂಟಿ (litsea glutinosa,  ಎಲುಬು ಮುರಿತಕ್ಕೆ ಜೋಡಕ ಅಂಟು ಲೋಳೆ ಕೊಡುವ ಗಿಡ ) ಯಂತಹ ಹಲವಾರು  ಮಲೆನಾಡ  ಔಷಧೀಯ ಗಿ