Posts

ಜೀವನ ದ್ರಷ್ಟಾರ ಕೆ.ಯನ್.ಶಂಕರ ಭಟ್ಟರು

Image
‘ ಜೀವನ ದ್ರಷ್ಟಾರ ಕೆ . ಯನ್ . ಶಂಕರ ಭಟ್ಟರು ’ ಎಂಬ ವಿಶೇಷ ಪುಸ್ತಕವು ಖಾಸಗಿ ಸಮಾರಂಭವೊಂದರಲ್ಲಿ ಇಂದು ಬಿಡುಗಡೆಯಾಯಿತು . ನನ್ನ ಸೋದರತ್ತೆ ಶ್ರೀಮತಿ ಹೇಮನಳಿನಿ ಅವರ ಪತಿ ‘ ಉರಿಮಜಲು ಮಾವ ’ ( ಅವರು ಕೋಲ್ಪೆಯೆಂಬಲ್ಲಿ ನೆಲೆಸಿದ್ದರಿಂದ ಕೋಲ್ಪೆಮಾವ ) ನ ಬಲುವಿಸ್ತಾರವಾದ ಜೀವನಾನುನುಭವವನ್ನು ಪುಸ್ತಕವೊಂದರಲ್ಲಿ ಹಿಡಿದಿಡುವ ಕಷ್ಟಕರ ಆದರೆ ಪ್ರಾಮಾಣಿಕ ಯತ್ನವು ಅದಾಗಿದೆ .

ಮೊಟ್ಟೆಯಿಡುವ ಕೆಲಸಗಾರರು

Image
ಒಂದೊಂದು ಕುಳಿಯೊಳಗೆ ಹತ್ತಾರು ಮೊಟ್ಟೆಯಿಟ್ಟ ಕೆಲಸಗಾರ ಹುಳಗಳು ‘ಜೇನುಪೆಟ್ಟಿಗೆಯಲ್ಲಿ ರಾಣಿಜೇನುಹುಳವೊಂದೇ ಮೊಟ್ಟೆಯಿಡಬಲ್ಲುದು . ಕೆಲಸಗಾರ ಹುಳಗಳು ಬರೀ ಕೆಲಸಮಾಡುತ್ತವಷ್ಟೆ ’ ಎಂಬುದನ್ನು ಕೇಳಿ , ಪಾಠದಲ್ಲಿ ಓದಿ ನಮಗೆಲ್ಲ ಚರ್ವಿತಚರ್ವಣವಾಗಿದೆ . ಆದರೆ ಕೆಲಸಗಾರ ಹುಳಗಳೂ ಕೂಡ ರಾಣಿಯಿಲ್ಲದೆ ಅನಾಥವಾದ ಜೇನುಕುಟುಂಬದಲ್ಲಿ ಕೆಲವೊಮ್ಮೆ ಮೊಟ್ಟೆಯಿಡುತ್ತವೆಯೆಂಬುದು ನುರಿತ ಜೇನುಪಾಲಕರಿಗೆ ತಿಳಿದಿರುವ ವಿಷಯ ; ನನ್ನಂಥ ಹೊಸಬರಿಗೆ ಹೊಸಕಲಿಕೆ .

ಆಳ್ವಾಸ್ ನುಡಿಸಿರಿ 2018 ರಲ್ಲಿ ITಯಿಂದ ಮೇಟಿಗೆ

Image
ಅಸಾಮಾನ್ಯ ಸಂಘಟಕ ಡಾ| ಆಳ್ವ [ಆಳ್ವಾಸ್ ನುಡಿಸಿರಿ ೨೦೧೮, ನವಂಬರ್ ೧೮ನೇ ತಾರೀಖಿನಂದು ನಾನು ಮಂಡಿಸಿದ ಅನಿಸಿಕೆಗಳು] ಶ್ರೀ ಮುರಳೀಧರ ಉಪಾಧ್ಯ ಅವರ ಕೃಪೆಯಿಂದ ದೊರೆತ ವೀಡಿಯೊ. ಓದುವುದಕ್ಕಿಂತ ಇದು ಹೆಚ್ಚು ಪರಿಣಾಮಕಾರಿ. ಎಲ್ಲರಿಗೂ ನಮಸ್ಕಾರ.  ಮೂವತ್ತು ವರ್ಷ ತುಂಬಿದ ಮೇಲೆ ಕೃಷಿ ಕೆಲಸಗಳನ್ನು ಆಸಕ್ತಿಯಿಂದ ಕಲಿತು ಕೃಷಿಕನಾಗಲು ಪ್ರಯತ್ನಿಸುತ್ತಿರುವ ಒಬ್ಬ ಸಾಮಾನ್ಯ ಕೃಷಿಕ ನಾನು. ನಾನು ಬರೆದ ಈ ಪುಸ್ತಕದ ಕಾರಣಕ್ಕೆ ನನ್ನನ್ನು ಇಲ್ಲಿಗೆ ಕರೆಯಲಾಗಿದೆ. ಇಷ್ಟೊಂದು ದೊಡ್ಡ ಸಭೆಯಲ್ಲಿ ಮಂಡನೆಗೆ ಯೋಗ್ಯವಾದ ಏನೋ ಒಂದು ಗಹನತೆ “ಈ ವಿಷಯಕ್ಕೆ ಇದೆ” ಎಂದು ಇಲ್ಲಿನ ಸಂಘಟಕರು ಪರಿಗಣಿಸಿರುವುದಕ್ಕೆ ಹೇಗೆ ಧನ್ಯವಾದ ಸಲ್ಲಿಸಬೇಕೆಂದು ನನಗೆ ತಿಳಿಯದಾಗಿದೆ. ನನಗಿರುವ ಸಮಯವನ್ನು ಮೂರು ಭಾಗಗಳನ್ನಾಗಿ ವಿಂಗಡಿಸಿ ಕೆಲವು ವಿಷಯಗಳನ್ನು ಹೇಳಲು ಪ್ರಯತ್ನಿಸುತ್ತೇನೆ.  ೧) ಮೊದಲನೆಯದಾಗಿ ನನ್ನ ಈಗಿನ ಕೃಷಿಕೆಲಸಗಳು ಹೇಗೆ ನನ್ನ ಸುತ್ತುಮುತ್ತಲೊಂದಿಗೆ ಅಂದರೆ ಪರಿಸರದೊಂದಿಗೆ ನನಗೆ ಇದ್ದೇ ಇರುವ ಅವಿನಾಭಾವ ಸಂಬಂಧವನ್ನು ಸದಾ ಜೀವಂತವಾಗಿಟ್ಟು ಪ್ರಕೃತಿಯೊಂದಿಗೆ ಸೇರಿ ಬದುಕುವ ಸಂಪೂರ್ಣತೆಯನ್ನು ನನಗೆ ಸಾಕಷ್ಟುಮಟ್ಟಿಗೆ ಉಂಟುಮಾಡುತ್ತಿವೆ ಎಂಬುದನ್ನು ಕೆಲವು ಉದಾಹರಣೆಗಳ ಮೂಲಕ ಹೇಳಲು ಪ್ರಯತ್ನಿಸುತ್ತೇನೆ.  ೨) ನಾನು ಈ ಹಿಂದೆ ಆ ಅವಕಾಶದಿಂದ ವಂಚಿತನಾಗಿದ್ದುದರ ಬಗ್ಗೆ ಮತ್ತು ನಮ್ಮೆಲ್ಲ ಹೊಸ ಉದ್ಯೋಗಗಳ ಗುರಿ ಮ

ಜೀವನವದೊಂದು ಕಲೆ - ಪುಸ್ತಕದ ಓದು

Image
ವಿಜಯವಾಣಿಯ ದಿನಗಳಿಂದ ಶ್ರೀ ಸೂರ್ಯಪ್ರಕಾಶ ಪಂಡಿತ್ ಅವರ ಲೇಖನಗಳನ್ನು ಸಿಕ್ಕಿದಾಗ ಓದಿ , ಕೆಲವನ್ನು ಕತ್ತರಿಸಿ ಇಟ್ಟುಕೊಂಡಿದ್ದೇನೆ . ಅವರ ಬರಹಗಳ ಬಗ್ಗೆ ಹೆಚ್ಚು ವಿವರವಾಗಿ ಬರೆಯುವ / ವಿಮರ್ಶಿಸುವ ಶಕ್ತಿ , ಓದು ಮತ್ತು ಜ್ಞಾನವ್ಯಾಪ್ತಿಯು ನನಗೆ ಇಲ್ಲ . ಆದರೆ ಈ ಪುಸ್ತಕದಲ್ಲಿ ಅವರು ಒತ್ತು ನೀಡಿರುವ ಕೆಲವು ವಿಚಾರಗಳು ನಾನು ನಂಬಿದ ಮತ್ತು ಇತ್ತೀಚೆಗೆ ‘IT ಯಿಂದ ಮೇಟಿಗೆ ’ ಯಲ್ಲಿ ಪ್ರಸ್ತಾಪಿಸಿದ ವಿಷಯಗಳಿಗೆ ತಾಳೆಯಾಗುತ್ತಿರುವುದು ನನಗೆ ವಿಶೇಷ ಸಂತೋಷವನ್ನು ಉಂಟುಮಾಡಿವೆ . ‘ ಜೀವನವದೊಂದು ಕಲೆ ’ ಪುಸ್ತಕದ ಪುಟ ೨೮ರಲ್ಲಿ ಜಗತ್ತು ಒಳ್ಳೆಯದೋ ಕೆಟ್ಟುದೋ ಎಂಬ ಪ್ರಶ್ನೆಯೇ ಅಪ್ರಸ್ತುತ ಎಂಬ ವಿಷಯವನ್ನು ಅವರು ಪ್ರಸ್ತಾಪಿಸಿದ್ದಾರೆ . ನಾನು ನನ್ನ ಐಟಿ ವೃತ್ತಿಯಿಂದ ಕೃಷಿಗೆ ಬದಲಾವಣೆ ಮಾಡುವುದೇ ಸರಿ ಎಂಬ ಸಮರ್ಥನೆಯ ಅನ್ವೇಷಣೆಯಲ್ಲಿದ್ದಾಗ ಈ ಸಮಸ್ಯೆಯಿಂದ ಬಳಲಿದ್ದುಂಟು , ಏಕೆಂದರೆ ಕಾರಣವಿಲ್ಲದೆ ವೃತ್ತಿಯನ್ನು ಬದಲಾಯಿಸುವ ಹಪಾಹಪಿ ಯಾರಿಗೂ ಇರುವುದಿಲ್ಲವಷ್ಟೆ ?. ಪ್ರಯಾಗ್ ಜೋಷಿ ಎಂಬವರು ಹಿಂದೂ ಪತ್ರಿಕೆಯಲ್ಲಿ ‘ ವೃತ್ತಿಜೀವನದ ಸರಿತಪ್ಪುಗಳು ’ ಎಂದೊಂದು ಲೇಖನವನ್ನು ಬಹಳ ಹಿಂದೆ ಬರೆದಿದ್ದರು . ನಾನು ಇಷ್ಟಪಟ್ಟ ಲೇಖನಗಳಲ್ಲಿ ಅದು ಒಂದಾಗಿತ್ತು ( ಸಾಧ್ಯವಾದರೆ ಆ ಲೇಖನವನ್ನೊಮ್ಮೆ ಓದಿ ಈ ಬರಹದ ಓದನ್ನು